Accueil | Nouvelles | Diaspora | CHICAGO - VOEUX DU CONSUL GÉNÉRAL À L'OCCASION DE LA NOËL

CHICAGO - VOEUX DU CONSUL GÉNÉRAL À L'OCCASION DE LA NOËL

Taille de la police: Decrease font Enlarge font
image

Frè m ak sè m yo

M ap swete nou yon bon Nwèl 2016. M swete nou yon Nwèl trankil lan mitan fanmi ak zanmi nou. Aprè tout efò nou fin fè pandan ane a, se lan moman sa a pou nou pwofite pran yon ti repo, rasanble fòs nou pou nou ka komanse ane k ap vini an an fòm.

Men pandan n ap fete fèt Nwèl la san fè eksè, an nou reflechi sou sans fèt sa a. Chak Nwèl, se nesans Jezi Kri nou fete. Nou konnen lan ki kondisyon Jezi te fèt epi ki jan l te viv. La vi l se te yon gwo egzanp lanmou, respè ak konpasyon. Se doktrin Kris la sa. Doktrin sa a mande nou pou nou renmen tout pwochen nou malgre defo yo paske nou menm tou, nou gen defo. Li mande nou tou pou nou pataje ak pwochen nou lan mezi mwayen nou. Menm yon ti souri nou pataje avèk yon etranje ka fè etranje sa a pase yon bon jounen. Sa a se espri Nwèl la. A la bon l ta bon si nou ta eseye kenbe espri sa a pandan tout ane a !

Mezanmi, pandan m ap swete nou yon bon fèt Nwel lan lanmou, la pè ak sekirite, m ap mande nou pou nou panse a yon moun lakay ou byen yon moun isit ki ka bezwen yon jès solidarite. Fè tout sa n ap fè ak pridans ak respè. Kèlkeswa kote nou ye, ki sa n ap fè, toujou sonje AYITI.

JWAYE NWÈL TOUT MOUN !

Lesly Condé

Konsil Jeneral



Audionow:
Etats Unis: 641.552.5200 712.432.7000 712.432.9945 Canada: 438.795.4395 514.900.6012 Bresil 021 40 42 11 31 France: 01.90.14.14.75 Republique Dominicaine 849.936.7140 Mexique 08.99.27.46.700
Studio: 718) 355-9853 / (718) 303-2551 / (509) 2813-9450 / (509) 2813-9452 / (509) 2813-9456 Adresse: 45, Rue Chavannes Port au Prince, Haiti
Email: radiocaraibesfm<at>yahoo.fr
Tél: (509)4300-4300 / 3701-4300
WhatsApp: (509) 3701-4300

  • email Envoyer par email à un ami
  • print Version imprimable
  • Plain text Texte complet
Notes
Pas de note pour cet article
Estimez cet article
0