Accueil | Notes de Presse | MOPOD DI KRIZ LA TOTAL LI DWE REZOUD AK TOUT MOUN BÒN VOLONTE

MOPOD DI KRIZ LA TOTAL LI DWE REZOUD AK TOUT MOUN BÒN VOLONTE

Taille de la police: Decrease font Enlarge font

Mouvman patryotik popilè Desalinien (MOPOD) resevwa avèk satisfaksyon kominike  pouvwa jidisyè a ki manifeste volontel pou li ede rezoud kriz politik peyi a ap travèse a.  Jan nou te toujou dil  paka gen solisyon dirab lan kriz saa san yon laj konsètasyon ak tout sektè lan vi nasyonal la .

Pouvwa jidisyè a se yonn lan kodetantè souverènte nasyonal la. Pèsonn pa dwe metel sou kote.  Se enstitisyon ki garanti plis netralite  lan konfli politik malgre ti difikilte oganizasyon kap travèsel tankou tout enstitisyon lan peyi a.  Li dwe kapab jwe wòl abit li jan sa fèt lan tout peyi demokratik ki gen gwo kriz politik, e jan konstitisyon 1987 peyi nou a te prevwa sa.

Nou rive lan yon kafou kote nou dwe rele tout fòs sosyal ak politik yo pou yo mete tèt yo ansanm pou retire peyia lan katchouboumbe li tonbe a. Nou dwe kapab remete konfyans, lapè ak estabilite lan peyi a. Se noumenm sèl pitit peyi a ki kapab  fè sa. Nou pa dwe kite okenn etranje vinn foure bouch yo lan zafè peyi  nou. Lè yo fè sa se toujou lan sans enterè pa yo yo aji.

Mouvman patriyotik popilè Desalinien (MOPOD) konsyan depi rezilta Komisyon endepandan evalyasyon ak verifikasyon elektoral la tonbe tout manti kaba. Verite a blayi. Elesyon lane 2015 yo te yon veritab maskarad òganize pou te vòlè vòt pèp ayisyen an.

MOPOD ap mande tout depite ak senatè rapò komisyon an lonje dwèt dirèk sou yo pou yo fè yon ti kanpe sou kote an antandan sitiyasyon yo ta vinn pi klè.  Tout lòt  depite ak senatè de facto ki lan palman an dwe konnen jodi a yo pa gen okenn kalite pou se yo kap chwazi poukont yo mete ak wete prezidan pwovizwa lan peyi a. 

MOPOD  kwè moman an rive pou nou mete chapo ak nanm patriyòt nou pou ansanm ak tout lòt sektè òganize lan peyi a nou òganize  yon bonjan dyalòg ki dwe mennen nou nan yon tranzisyon ekilibre san paspouki, san fòs kote, pou nou remete enstitisyon nou yo kanpe djanm, fè bonjan refòm kote sa dwe fèt, òganize bonjan eleksyon lan peyi a kote sa ki genyen byen genyen , sa ki pèdi aksepte  pèdi. Men tout jan, SE PEYI A KI DWE POTE LAVIKTWA.

Pòtoprens , le 20 jen 2016

Jean André Victor, Kowòdonatè nasyonal




Audionow:
Etats Unis: 641.552.5200 T-Mobile/MetroPCS: 360.398.4333 Canada: 438.795.4395 514.900.6012 Bresil 021 40 42 11 31 France: 01.90.14.14.75 Republique Dominicaine 849.936.7140 Mexique 08.99.27.46.700
Studio: 718) 355-9853 / (718) 303-2551 / (509) 2813-9450 / (509) 2813-9452 / (509) 2813-9456 Adresse: 45, Rue Chavannes Port au Prince, Haiti
Email: radiocaraibesfm<at>yahoo.fr
Tél: (509)4300-4300 / 3701-4300
WhatsApp: (509) 3701-4300

  • email Envoyer par email à un ami
  • print Version imprimable
  • Plain text Texte complet
Notes
Pas de note pour cet article
Estimez cet article
0